СОЛИ 2025 — СОЛИ ҲИФЗИ ПИРЯХҲО.КОНФЕРЕНСИЯИ ИЛМӢ-НАЗАРИЯВӢ ДАР МДТ «КОЛЛЕҶИ ТИББИИ ШАҲРИ ТУРСУНЗОДА».

      Имрӯз дар МУАССИСАИ ДАВЛАТИИ ТАЪЛИМИИ «КОЛЛЕҶИ ТИББИИ ШАҲРИ ТУРСУНЗОДА», дар заминаи кафедраи фанҳои табии ва риёзӣ конференсияи минтақавӣ илмию амалӣ дар мавзуи «Пиряхҳо – сарчашмаи оби ширин» бахшида ба Соли байналмилалии ҳифзи пиряхҳо ва Рӯзи байналмилалии пиряхҳо баргузор гардид.
   Конфронсро директори коллеҷ Исматов Сулаймон Султонович ҳусни оғоз бахшида, нақши ташаббусҳову пешниҳодҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмонро дар ҳаёти аҳли башар хеле бузург номиданд.
— 21 – март рӯзи пиряхҳо ва Соли 2025 — Соли байналмилалии ҳифзи пиряхҳо дар заминаи ҳама ташаббусҳои Тоҷикистон роҳандозӣ гардидаанд. Тоҷикистон бо роҳбарии муҳтарам Эмомалӣ Раҳмон аз ҷумлаи кишварҳоест, ки бо тасмимҳои худ дар ҳалли масъалаҳои глобалӣ мусидат карда истодааст, — қайд намуд, директори коллеҷ, Исматов Сулаймон Султонович.

Дар кори конфронс намояндагони муассисаҳои таълимии касби ҳудуди шаҳри Турсунзода иштирок ва маърӯзаҳо намуданд.
Конфронс бо он ҷиҳат хуб буд, ки дар он бо забонҳои тоҷикӣ ва русӣ маърӯзаҳо хонда шуданд. Ҷиҳати дигар беҳтарин дастовезу иқдом дар мавриди «Соли байналмиллалии ҳифзи пиряхҳо» ва тарғибу ташвиқи мавқеи байналхалқии Тоҷикистон мебошад. Дар конфронс аз ҷониби иштирокчиён мавзӯҳои зерин мавриди баррасӣ қарор гирифт;
— 🌗 Пиряхҳо сарчашмаи оби ширин,
— 🌗 Ҳифзи пиряхҳо,
— 🌗 Амалигардонии қонуни Ҷумҳурии Тоҷикистон дар бораи ҳифзи пиряхҳо,
— 🌗Манбаҳо ва ҳифзи обу пиряхҳо дар курраи замин,
— 🌗 Об манбаи ҳаёти солим ва зиндагии шоиста,
— 🌗Тоҷикистон кишвари ташаббускори масоили обу иқлим ва ҳифзи пиряхҳо,
— 🌗 Пешниҳоди ҷаҳонии Пешвои миллат Президенти Ҷумҳурии Тоҷикистон Эмомалӣ Раҳмон дар самти оби тоза ва ҳифзи пиряхҳо таҳлилу баррасӣ гардид.